01　In-house Marketing好，定係去Agency做好？

好多畢業(yè)生同職場初哥都會問，做marketing嘅前途係點？只見好多人、好多唔同嘅公司，對marketing都有唔同嘅解讀，前途同錢途亦好唔同，咁其實係乜嘢一回事呢～

其實marketing呢行整體嚟講分兩大方向：品牌公司嘅marketing(in-house marketing)同埋廣告公司(agency)。佢哋合作無間，關(guān)係連成一線，兩方面都好需要求職者讀過／做過marketing，如有強勁marketing sense更佳。廣告公司就好似人嘅右腦咁，主攻創(chuàng)作思維，為品牌公司向外探索不同嘅可能性，幫公司收集最新資訊嘅同時，睇通行內(nèi)嘅大方向；而品牌公司內(nèi)嘅marketing就似左腦，精通數(shù)學，幫公司計過度過唔會死錯人，睇公司嘅錢重要過睇自己荷包啲錢，對文字又要極敏感，一眼就睇得出粒字font size係15定16，長駐公司內(nèi)部，為每個project把關(guān)～

做in-house marketing好，定係去agency做marketing好？做in-house marketing會唔會好悶？做agency又會唔會搵唔到飯食？其實都幾難答，雖然大家都係marketing工作，但或多或少都係兩件事嚟，好難直接比較邊個適合啲、邊個好做啲，大家可以了解一下兩者係乜東東先。

In-house Marketing

每間公司嘅marketing department都可以好唔同，細公司嘅marketing係一腳踢（其實大公司都係），marketing嘢要做，non-marketing嘢都要做。而大公司會比較有系統(tǒng)，分好多部門，例如Corp Comm、CRM、Digital、E-comm、Event、Product、Sales等等等等。做in-house marketing所接觸嘅同業(yè)事務(wù)範圍比較深，屬於「直向模式」（之後再詳談「直向」同「橫向」嘅問題），產(chǎn)品定價又可能關(guān)你事、點樣做sale又關(guān)你事，速銷promotion廣告就更加唔使講，分分鐘店舖內(nèi)大小事宜都有你份，所以in-house marketing會接觸好多嘢同好多人。做得耐咗你人脈會好廣，對內(nèi)對外都係，對外最多接觸就應(yīng)該係agency，因為你得一對手，老細要你做十萬樣嘢，你一定要「出外靠朋友」。亦因為人脈廣，加上乜嘢你都要識啲啲啲啲，所以好多marketer都鍾意自己創(chuàng)業(yè)，但成唔成功就係第二回事了……

講到in-house marketing好似好多嘢學、識好多人、好似好好咁。無錯，對比之下可能會比做agency好少少，因為再向上爬你可能會去到企業(yè)嘅CEO，或者自己開公司封自己做CEO，打理成盤生意。但唔好嘅係，你來來去去都係做同一個行業(yè)嘅事務(wù)，你再了解所有部門都好，都只可以apply喺同一行業(yè)，如果你公司業(yè)務(wù)比較獨特，你識嘅嘢更只可能apply喺同一公司（當然有例外），所以好多人轉(zhuǎn)工轉(zhuǎn)嚟轉(zhuǎn)去都係做同一樣嘢，做開FMCG（Fast Moving Consumer Goods，快速消費品）就好少走去做其他嘢。所以怕悶嘅人好怕做in-house marketing，又或者做唔夠一兩年就覺得悶而轉(zhuǎn)工。

廣告公司(Agency)

好多人會話做in-house marketing同agency都係一樣咁辛苦，但做agency會開心啲。咁實情又係咪呢～同樣地，agency亦係分好多種，Creative、Digital、Event、Media、PR、Research等等等等。Agency就主要做宣傳，例如電視廣告，喺商場搞show、搞Facebook遊戲、搵明星做乜乜乜。Agency裏面亦分兩邊，一邊係account servicing department（客戶服務(wù)／客戶管理，但一定唔係做會計嗰個account~），主要同in-house marketing嘅同事對口，做好多document/proposal/report等等，收集客戶嘅需要／意見，諗過度過後就搵其他同事或者出面嘅製作公司做嘢。而agency另一邊就係creative department（創(chuàng)作及設(shè)計），負責諗橋、做design、畫圖、寫字等。喺agency工作，好多時都會對住唔同類型嘅客戶，所以日日都可以接觸好多新事物，唔似in-house marketing咁日日都係對住同一件產(chǎn)品，分分鐘放工返到屋企都對住件貨，相對地agency（好似）開心啲。

雖然agency接觸好多唔同客戶，但都只會知道公司較表面嘅事務(wù)，唔會太過深入，屬於「橫向模式」（之後再解釋）。但喺agency做嘅朋友亦因為咁成日做到精神分裂，我試過一秒鐘前都仲同緊男士用品嘅客戶傾電話諗橋，但下一秒鐘就去咗幫女性避孕藥嘅客戶做proposal，真?zhèn)S會唔知自己做緊乜。當然亦有試過將兩個project嘅嘢撈亂畀錯客啦＠＠……而agency工時亦比較長，因為佢哋為咗客戶好（通常都係被迫），想喺客戶第二朝返工前趕好個task畀佢哋，所以agency嘅朋友成日都做到天昏地暗，有返工、冇放工。做到咁，試問有邊個會想做agency做到退休呀（唔怕嫌命長咩?。?。所以通常做做下都會轉(zhuǎn)咗去做in-house marketing，又或者自己創(chuàng)業(yè)封自己做CEO。睇落去，最尾個結(jié)果都係去咗in-house做，或者自己創(chuàng)業(yè)，好似冇乜出路咁～

聽完我講之後，其實兩者都係有好有壞，最好入行前諗清楚自己適合做in-house marketing定係agency，做的話又想做乜嘢行業(yè)嘅in-house，想做乜嘢類型嘅agency，同時亦要記住一點：「食得鹹魚抵得渴，做落辛苦無咁覺」，抱住呢個心態(tài)，你會開心啲，比別人成功啲～